ಸೈಬರ್ ಅಪರಾಧಿಗಳು ಕೃತಕ ಬುದ್ಧಿಮತ್ತೆ ಅಥವಾ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಉಪಕರಣಗಳನ್ನು ಸೈಬರ್ ಅಪರಾಧಗಳನ್ನು ಮಾಡಲು ಹೇಗೆ ಬಳಸುತ್ತಿದ್ದಾರೆ ಎಂಬುದರ ಮುಂದುವರಿಕೆಯಾಗಿ(ಕಳೆದ ವಾರ ChatGPT ಬಗ್ಗೆ ಮಾತಾಡಿದ್ದೆ), ಸೈಬರ್ ಅಪರಾಧಿಗಳು ಸೈಬರ್ ಕ್ರೈಮ್ಗಳಿಗಾಗಿ AI ಪರಿಕರಗಳ ಸಹಾಯದಿಂದ ಮಾಡಿದ ಡೀಪ್ ಫೇಕ್ (ನಂಬಿಸುವಂತಹ ನಕಲಿ) ಗಳನ್ನು ಹೇಗೆ ಬಳಸುತ್ತಿದ್ದಾರೆ ಎಂಬುದರ ಕುರಿತು ನಾನು ಈ ವಾರ ಬರೆಯಲಿದ್ದೇನೆ. ಡೀಪ್ ಫೇಕ್ ಎಂಬ ಪದವು 2017 ರಲ್ಲಿ ಹುಟ್ಟಿಕೊಂಡಿತು. ಸರಳವಾಗಿ ಹೇಳುವುದಾದರೆ, ಡೀಪ್ ಫೇಕ್ ನಕಲಿ ಚಿತ್ರ, ಆಡಿಯೊ ಅಥವಾ ವೀಡಿಯೊ ವಿಷಯವನ್ನು ಉತ್ಪಾದಿಸಲು ಅಥವಾ ಮಾರ್ಪಡಿಸಲು ಬಳಸಲಾಗುವ AI ಆಧಾರಿತ ತಂತ್ರಜ್ಞಾನವಾಗಿದೆ.
ಡೀಪ್ ಫೇಕ್ ತಂತ್ರಜ್ಞಾನವು ಡೀಪ್ ಲರ್ನಿಂಗ್ ನ್ಯೂರಲ್ ನೆಟ್ವರ್ಕ್ಗಳನ್ನು ಬಳಸಿಕೊಂಡು ವೀಡಿಯೊ (ಮುಖಗಳು/ಚಿತ್ರಗಳು) ಮತ್ತು ಆಡಿಯೊ (ಧ್ವನಿ) ಕುಶಲತೆಯಿಂದ ನಡೆಯದ ಘಟನೆಯನ್ನು ನಡೆದಂತೆ ಮಾರ್ಪಡಿಸುತ್ತದೆ. ಉದಾಹರಣೆಗೆ, ಡೀಪ್ ಫೇಕ್ ವೀಡಿಯೊಗಳ ಸಂದರ್ಭದಲ್ಲಿ, ಬಲಿಪಶುವಿನ ಚಿತ್ರಗಳನ್ನು ಮಾರ್ಫ್ ಮಾಡಲಾಗುತ್ತದೆ ಮತ್ತು ಬೇರೊಂದು ಚಿತ್ರದೊಂದಿಗೆ ವಿಲೀನಗೊಳಿಸಲಾಗುತ್ತದೆ ನಂತರ, ಧ್ವನಿಯನ್ನು ಅದಕ್ಕೆ ಅಳವಡಿಸಲಾಗುತ್ತದೆ ಮತ್ತು ತುಟಿಗಳನ್ನು ಸಿಂಕ್ ಮಾಡಲಾಗುತ್ತದೆ. ನಿಖರವಾದ ಮುಖವನ್ನು ರಚಿಸಲು ಸೈಬರ್ ಅಪರಾಧಿಗಳು ಫೇಶಿಯಲ್ ಮ್ಯಾಪಿಂಗ್ ತಂತ್ರಜ್ಞಾನಗಳನ್ನು ಬಳಸುತ್ತಾರೆ. ಒಬ್ಬ ವ್ಯಕ್ತಿಯ ಮುಖವನ್ನು ಇನ್ನೊಬ್ಬ ವ್ಯಕ್ತಿಯ ಮುಖಕ್ಕೆ ಬದಲಾಯಿಸಲು ಅವರು AI ಅನ್ನು ಬಳಸುತ್ತಾರೆ. ಇದಲ್ಲದೆ, ಬಳಕೆದಾರರ ಧ್ವನಿಯನ್ನು ನಿಖರವಾಗಿ ನಕಲಿಸಲು ಧ್ವನಿ ಹೊಂದಾಣಿಕೆಗೆ AI ತಂತ್ರಜ್ಞಾನವನ್ನು ಬಳಸಲಾಗುತ್ತದೆ. ನಂತರ ಅದನ್ನು ಸುಳ್ಳು ಸುದ್ದಿಗಳನ್ನು ಸೃಷ್ಟಿಸಲು ಅಥವಾ ಬೆದರಿಸಿ ಸುಲಿಗೆ ಮಾಡಲು ಅಥವಾ ಹಣಕಾಸಿನ ವಂಚನೆ ಮಾಡಲು ಬಳಸಲಾಗುತ್ತದೆ.
ಇತ್ತೀಚಿನ ದಿನಗಳಲ್ಲಿ ಸುದ್ದಿ ಮಾಡಿದ ಕೆಲವು ಪ್ರಮುಖ ಡೀಪ್ ಫೇಕ್ ಗಳು :–
- ಕಳೆದ ವರ್ಷ ಉಕ್ರೇನ್ ಯುದ್ಧದ ಸಮಯದಲ್ಲಿ ರಾಷ್ಟ್ರೀಯ ದೂರದರ್ಶನದಲ್ಲಿ ಉಕ್ರೇನಿಯನ್ನರಿಗೆ ‘ಶಸ್ತ್ರಗಳನ್ನು ತ್ಯಜಿಸಲು’ ಅಧ್ಯಕ್ಷ ಝೆಲೆನ್ಸ್ಕಿ ಹೇಳುವ ಡೀಪ್ ಫೇಕ್ ವೀಡಿಯೊ ಭಾರಿ ಗೊಂದಲವನ್ನು ಉಂಟುಮಾಡಿತ್ತು.
- ಬಿಜೆಪಿಯ ಮನೋಜ್ ತಿವಾರಿಯವರ ಡೀಪ್ ಫೇಕ್ ವಿಡಿಯೋಗಳು ದೆಹಲಿ ಚುನಾವಣೆಯ ಸಮಯದಲ್ಲಿ ಜನರ ಅಭಿಪ್ರಾಯ ಬದಲಿಸಲು ಬಳಸಲಾಗಿತ್ತು.
- ಚೀನಾದಲ್ಲಿ, ಸೈಬರ್ ಖದೀಮನ್ನೊಬ್ಬ ತುರ್ತು ಹಣದ ಅಗತ್ಯವಿರುವ ಸ್ನೇಹಿತನಂತೆ ಪೋಸ್ ನೀಡಲು ಡೀಪ್ ಫೇಕ್ AI ಅನ್ನು ಬಳಸಿ ವ್ಯಕ್ತಿಯೊಬ್ಬನಿಂದ ರೂ. 5 ಕೋಟಿ ವಂಚಿಸುತ್ತಾನೆ.
ವಿವಿಧ ಸರ್ಕಾರಗಳು, ಯುನೈಟೆಡ್ ನೇಶನ್ ನ್ನಂತಹ ಸಂಸ್ಥೆಗಳು ಮತ್ತು ತಜ್ಞರು ಡೀಪ್ ಫೇಕ್ ಗಳಿಂದ ಉಂಟಾಗುವ ಅಪಾಯಗಳ ಬಗ್ಗೆ ಹೀಗೆ ಎಚ್ಚರಿಕೆ ನೀಡುತ್ತಿದ್ದಾರೆ:
- “AI ನಿಂದ ರಚಿತವಾದ ಡೀಪ್ ಫೇಕ್ ಗಳು ಆನ್ಲೈನ್ನಲ್ಲಿ ದ್ವೇಷ ಮತ್ತು ತಪ್ಪು ಮಾಹಿತಿಗೆ ಉತ್ತೇಜನ ನೀಡುತ್ತಿವೆ”- UN.
- ‘ಡೀಪ್ ಫೇಕ್’ಗಳನ್ನು ತೊಡೆದುಹಾಕಿ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (MeitY) ಸಾಮಾಜಿಕ ಮಾಧ್ಯಮ ವೇದಿಕೆಗಳಿಗೆ ಆದೇಶ ಹೊರಡಿಸಿದೆ.
- ಮೈಕ್ರೋಸಾಫ್ಟ್ ಮುಖ್ಯಸ್ಥರು AI ಬಳಸಿ ತಯಾರಿಸಿದ ಡೀಪ್ ಫೇಕ್ ಗಳು ವಿಶ್ವಕ್ಕೆ ದೊಡ್ಡ ಅಪಾಯಕಾರಿ ತಂತ್ರಜ್ಞಾನ ಎಂದು ಹೇಳುತ್ತಾರೆ
Zao, deepfakesweb, deepfacelab, Wombo ಮುಂತಾದ ಹಲವು AI ಅಪ್ಲಿಕೇಶನ್ಗಳು ಅತ್ಯಾಧುನಿಕ ಡೀಪ್ ಫೇಕ್ ಗಳನ್ನು ರಚಿಸಲು ಉನ್ನತ ಮಟ್ಟದ AI ತಂತ್ರಜ್ಞಾನವನ್ನು ಸೈಬರ್ ಅಪರಾಧಿಗಳಿಗೆ ಸುಲಭವಾಗಿ ಲಭ್ಯವಾಗುವಂತೆ ಮಾಡುತ್ತಿವೆ.
ಸೈಬರ್ ಅಪರಾಧಿಗಳು ಡೀಪ್ ಫೇಕ್ ಮಾಡಲು AI ಅನ್ನು ಹೇಗೆ ಬಳಸುತ್ತಿದ್ದಾರೆ :-
ಆಳವಾದ ಕಲಿಕೆ(deep learning) ಎಂದು ಕರೆಯಲ್ಪಡುವ AI ತಂತ್ರಜ್ಞಾನವನ್ನು ಬಳಸಿಕೊಂಡು ಡೀಪ್ ಫೇಕ್ ಅನ್ನು ತಯಾರಿಸಲಾಗುತ್ತದೆ. ಸರಳವಾಗಿ ಹೇಳುವುದಾದರೆ, AI ಮತ್ತು ಯಾಂತ್ರಿಕ ಕಲಿಕೆಯ (ಮೆಷಿನ್ ಲರ್ನಿಂಗ್) ಕ್ರಮಾವಳಿ (ಆಲ್ಗರಿದಂ) ಉಪಯೋಗಿಸಿ, ಅಸಲಿ ಅಲ್ಲವೆಂದು ಸ್ವಲ್ಪವೂ ತಿಳಿಯದಂತೆ ನಕಲಿ ಚಿತ್ರಗಳು, ವಿಡಿಯೊ ಅಥವಾ ಆಡಿಯೊಗಳನ್ನು ತಯಾರಿಸುವುದೇ ಡೀಪ್ ಫೇಕ್ ತಂತ್ರಜ್ಞಾನ. ಇದಕ್ಕಾಗಿ ಈಗಾಗಲೇ ಲಭ್ಯವಿರುವ ಬಲಿಪಶು ವಿನಾ ಸಾವಿರಾರು ಚಿತ್ರ, ವಿಡಿಯೊ, ಆಡಿಯೊಗಳ ತುಣುಕುಗಳನ್ನು ಮತ್ತು ಇನ್ನೊಂದು ವ್ಯಕ್ತಿಯ ನಿರ್ಮಿಸಲಿಚ್ಚಿಸುವ ವಿಡಿಯೋವನ್ನು ಆಲ್ಗರಿದಂಗೆ ಉಣಿಸಲಾಗುತ್ತದೆ. ಆ ಕ್ರಮಾವಳಿ ಕೊಟ್ಟಿರುವ ದತ್ತಾಂಶದ ದೊಡ್ಡ ಸಂಚಯವನ್ನೇ ಬಳಸಿ ಕೊಟ್ಟಿರುವ ಸೂಚನೆಯಂತೆ ಡೀಪ್ ಫೇಕ್ ಚಿತ್ರ, ವಿಡಿಯೊ, ಆಡಿಯೊಗಳನ್ನು ರಚಿಸುತ್ತದೆ.
ಸೈಬರ್ ಅಪರಾದಿಗಳು ಡೀಪ್ ಫೇಕ್ ತಂತ್ರಜ್ಞಾನವನ್ನು ಬಳಸುವ ಕೆಲವು ನಕಾರಾತ್ಮಕ ವಿಧಾನಗಳು ಕೆಳಗಿವೆ :
- ಸೇಡು ಅಥವಾ ಸುಲಿಗೆಗಾಗಿ ನೈಜ ವ್ಯಕ್ತಿಗಳ ನಕಲಿ ಅಶ್ಲೀಲ ವೀಡಿಯೊಗಳನ್ನು ರಚಿಸಲು ಡೀಪ್ ಫೇಕ್ ಗಳನ್ನು ಅಗಾಧವಾಗಿ ಬಳಸಲಾಗಿದೆ, 96% ಡೀಪ್ ಫೇಕ್ ಗಳು ಅಶ್ಲೀಲತೆಗೆ ಸಂಬಂಧಿಸಿವೆ ಎಂದು ಸಂಶೋಧನೆ ಸೂಚಿಸುತ್ತದೆ.
- ಡೀಪ್ ಫೇಕ್ ಗಳನ್ನು ಸೈಬರ್ ಅಪರಾದಿಗಳು ಮೌಲ್ಯಯುತವಾದ ಮಾಹಿತಿಯನ್ನು ಪಡೆಯಲು ಅಥವಾ ಅವರು ಬಯಸುವ ಕ್ರಿಯೆಗಳನ್ನು ಮಾಡುವಂತೆ ಉತ್ತೇಜಿಸಲು ಬಳಸುತ್ತಾರೆ.
- ಡೀಪ್ ಫೇಕ್ ಗಳು ಅಪಪ್ರಚಾರದ ಸಾಧನವಾಗಿ ಮಾರ್ಪಟ್ಟಿವೆ, ಅಲ್ಲಿ ಅಸಮಾನತೆ, ಗಲಭೆಗಳು, ಚುನಾವಣೆಗಳಲ್ಲಿ ಹಸ್ತಕ್ಷೇಪ ಮತ್ತು ಮಾನಹಾನಿ ಮಾಡಲು ನಕಲಿ ಸುದ್ದಿಗಳು, ಚಿತ್ರಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳಲಾಗುತ್ತದೆ.
ಡೀಪ್ ಫೇಕ್ ಅಪರಾಧಗಳನ್ನು ತಡೆಯುವುದು ಅಥವಾ ಪತ್ತೆ ಮಾಡುವುದು ಹೇಗೆ :-
- ಎಲ್ಲಾ ಡಿಜಿಟಲ್ ವಹಿವಾಟುಗಳು ಮತ್ತು ಸುದ್ದಿಗಳಲ್ಲಿ ಯಾವಾಗಲೂ ‘ಶೂನ್ಯ ವಿಶ್ವಾಸ, ತಾಳ್ಮೆ ಮತ್ತು ದೃಢೀಕರಣ’ ತತ್ವವನ್ನು ಅನುಸರಿಸಿ.
- ಸಾಮಾಜಿಕ ಮಾಧ್ಯಮದಲ್ಲಿ ನೀವು ಹಂಚಿಕೊಳ್ಳುವ ಚಿತ್ರಗಳು ಮತ್ತು ವೀಡಿಯೊಗಳ ಸಂಖ್ಯೆಯನ್ನು ಮಿತಿಗೊಳಿಸಿ.
- ನಿಮ್ಮ ಸಾಮಾಜಿಕ ಮಾಧ್ಯಮ ಪ್ರೊಫೈಲ್ ಗಳನ್ನು ಖಾಸಗಿಯಾಗಿ ಇರಿಸಿ.
- ನಿಮ್ಮ ಆನ್ಲೈನ್ ಚಟುವಟಿಕೆಯನ್ನು ಸುರಕ್ಷಿತಗೊಳಿಸಿಲು VPN ಮತ್ತು Firewall ಸಾಫ್ಟ್ವೇರ್ ಬಳಸಿ.
- ಉತ್ತಮ ಆಂಟಿವೈರಸ್ ಸಾಫ್ಟ್ವೇರ್ ಅನ್ನು ಬಳಸಿ ಮತ್ತು ಅದನ್ನು ಯಾವಾಗಲೂ ನವೀಕರಿಸಿ.
- ಚಿತ್ರ, ವೀಡಿಯೋ ಅಥವಾ ಆಡಿಯೋ ಅಸಲೀನಾ ನಕಲಿನಾ ಎಂದು ಯಾವಾಗಲೂ ಅಂತರ್ಜಾಲದಲ್ಲಿ ಸತ್ಯವನ್ನು ಪರಿಶೀಲಿಸಿ ನಂತರ ನಂಬಿ ಮತ್ತು ಬೇರೆಯವರೊಂದಿಗೆ ಹಂಚಿಕೊಳ್ಳಿ.
- ಗೂಗಲ್ ನ ರಿವರ್ಸ್ ಇಮೇಜ್ ಸರ್ಚ್ ಪರಿಕರವನ್ನು ಬಳಸಿ ನೀವು ಚಿತ್ರದ ಮೂಲವನ್ನು ಮತ್ತು ಅದರ ಬಗ್ಗೆ ಮಾಹಿತಿಯನ್ನು ಪಡೆಯಬಹುದು.
ಡೀಪ್ ಫೇಕ್ ಪತ್ತೆ ಮಾಡಲು ನೀವು :
- ಚೆನ್ನಾಗಿ ತಯಾರಿಸದ ಡೀಪ್ ಫೇಕ್ ನಲ್ಲಿ ಚರ್ಮ ಮತ್ತು ಕೂದಲಿನ ಸುತ್ತಲೂ ಚಿತ್ರ ಮಸುಕು ಮಸಕಾಗಿರುತ್ತದೆ.
- ವ್ಯಕ್ತಿಯ ಸುತ್ತಲಿನ ಬೆಳಕು ಅಸ್ವಾಭಾವಿಕವಾಗಿ ಕಾಣಿಸಬಹುದು, ಏಕೆಂದರೆ ಆಳವಾದ ಕಲಿಕೆಯ ಅಲ್ಗಾರಿದಮ್ ಮೂಲ ವೀಡಿಯೊದ ಬೆಳಕನ್ನು ಉಳಿಸಿಕೊಳ್ಳುತ್ತದೆ.
- ಆಡಿಯೋ ಮತ್ತು ವೀಡಿಯೋ ನಡುವಿನ ಹೊಂದಾಣಿಕೆಯ ವ್ಯತ್ಯಾಸ ಗಮನಹರಿಸಬೇಕಾದ ಮತ್ತೊಂದು ಸಂಕೇತವಾಗಿದೆ. ಲಿಪ್ ಸಿಂಕ್ ಸರಿಯಾಗಿರುವುದಿಲ್ಲಾ.
ನೀವು ವಂಚನೆಗೆ ಒಳಗಾಗಿದ್ದರೆ:-
ತಕ್ಷಣವೇ 1930 ಸೈಬರ್ ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡಿ ಅಥವಾ cybercrime.gov.in ನಲ್ಲಿ ದೂರು ಸಲ್ಲಿಸಿ. ನೀವು ಹಣವನ್ನು ಕಳಿಸಿದ್ದರೆ, ಹಣವನ್ನು ಫ್ರೀಜ್ ಮಾಡಲು ಸಂಬಂಧಿಸಿದ ಬ್ಯಾಂಕ್ಗೆ ಕರೆ ಮಾಡಿ ಮತ್ತು ದೂರು ನೀಡಿ. ನೀವು ಯಾರೊಂದಿಗಾದರೂ ಆಧಾರ್ ಅನ್ನು ಹಂಚಿಕೊಂಡಿದ್ದರೆ, uidai.gov.in ನಲ್ಲಿ ನಿಮ್ಮ ಆಧಾರ್ ಕಾರ್ಡ್ ಅನ್ನು ಲಾಕ್ ಮಾಡಿ. ಬಹಿರಂಗಗೊಂಡ ಬ್ಯಾಂಕಿಂಗ್ ಖಾತೆಗಳ ಬಳಕೆದಾರ ಐಡಿಗಳು ಮತ್ತು ಪಾಸ್ವರ್ಡ್ಗಳು/ಪಿನ್ಗಳನ್ನು ಬದಲಾಯಿಸಿ. ಗಾಬರಿಯಾಗಬೇಡಿ, ಅದು ನಕಲಿ ಮತ್ತು ನಿಮ್ಮನ್ನು ಸುಲಿಗೆ ಅಥವಾ ಮಾನಹಾನಿ ಮಾಡಲು ರಚಿಸಲಾಗಿದೆ ಎಂದು ಸ್ನೇಹಿತರು, ಕುಟುಂಬದವರಿಗೆ ತಿಳಿಸಿ ಮತ್ತು ನಿಮ್ಮ ಸೋಶಿಯಲ್ ಮೀಡಿಯಾ ಸ್ಟೇಟಸ್ ನಲ್ಲಿ ಪೋಸ್ಟ್ ಮಾಡಿ.
ಈ ಅಂಕಣ ನಿಮಗೆ ಉಪಯುಕ್ತವೆನ್ನಿಸಿದ್ದರೆ ಇದನ್ನು ನಿಮ್ಮ ಕುಟುಂಬ ಮತ್ತು ಗೆಳೆಯರೊಂದಿಗೇ ಈ ಅಂಕಣವನ್ನೋ ಅಥವಾ ಪೋಸ್ಟರನ್ನೋ ಅಥವಾ ಯೌಟ್ಯೂಬ್ ವೀಡಿಯೋವನ್ನೂ ಹಂಚಿಕೊಳ್ಳಿ.
ಈ ಅಂಕಣದ ಬಗ್ಗೆ ನಿಮ್ಮ ಅನಿಸಿಕೆಯನ್ನು, ಅಭಿಪ್ರಾಯವನ್ನು ಮತ್ತು ನಿಮಗಾದ ಏನಾದರೂ ಇದೆ ತರಹದ ಅನುಭವಗಳನ್ನು ಅಥವಾ ನಿಮಗೆ ಬೇಕಾದ ಯಾವುದಾದರು ವಿಷ್ಯದ ಬಗ್ಗೇ ನಾನು ಬರೆಯ ಬೇಕೆಂದರೆ ಕೆಳಗಿನ ಕಮೆಂಟ್ ಸೆಕ್ಷನ್ ನಲ್ಲಿ ಹಂಚಿಕೊಳ್ಳಿ.